АҚШ Диалектілері: Солтүстіктен Оңтүстікке дейінгі фонология саяхаты

2025 жылғы 6 наурызда Әл-Фараби атындағы ҚазҰУ-дың филология факультетінде «Қазіргі ағылшын тілінің ұлттық нұсқалары» пәні бойынша екі ашық сабақ өтті. Бұл іс-шараларды Шетел филологиясы және аударма ісі кафедрасы ұйымдастырды. Ашық сабақтарға 7M02312 – Шетел филологиясы (батыс тілдері) мамандығының 1-курс магистранттары қатысты. Бірінші ашық дәріс «New England: phonology. New York, Philadelphia, and other northern cities: phonology» тақырыбына арналды. Сабақ барысында қатысушылар Жаңа Англия аймағындағы фонологиялық ерекшеліктерді, сондай-ақ Нью-Йорк, Филадельфия және Солтүстік Американың басқа да ірі қалаларының дыбыстық жүйелерін зерттеді. Магистранттар әртүрлі мысалдар келтіріп, диалектілер арасындағы айырмашылықтарды талқылады.

Келесі ашық семинар «Rural Southern white accents. The urban South: phonology.» тақырыбында өтті. Сабақта Оңтүстік штаттардағы диалектілер мен олардың тарихи даму жолдары қарастырылды. Қатысушылар ауылдық және қалалық оңтүстік аймақтардың акценттеріндегі айырмашылықтарды салыстырып, фонологиялық ерекшеліктерін талдады. Сабақтар интерактивті форматта өтіп, магистранттар тақырыпқа қатысты зерттеу нәтижелерін бөлісті.

Ашық сабақтарды филология ғылымдарының кандидаты, доцент Сейденова С.Д., сондай-ақ шетел филологиясы мамандығының 1-курс докторанттары Оразтаева Ж.К. мен Кәсіпхан Ш. ұйымдастырды. Доцент Сейденова С.Д. сабақ барысын бақылап, ұйымдастырушыларға әдістемелік қолдау көрсетті. Ашық сабақтарда магистранттар ағылшын тіліндегі фонологиялық ерекшеліктерді жан-жақты зерттеп, тәжірибелік дағдыларын жетілдіруге мүмкіндік алды. Іс-шаралар 306-аудиторияда өтті және қатысушылар арасында үлкен қызығушылық тудырды.

С.Д. Сейденова, филология ғылымдарының кандидаты, доцент, Шетел филологиясы және аударма ісі кафедрасы, Филология факультеті, Әл-Фараби атындағы ҚазҰУ

Ж.К. Оразтаева, 8D02306 «Шетел филологиясы (батыс тілдері)» мамандығының 1 курс докторанты, Әл-Фараби атындағы ҚазҰУ

Ш. Кәсіпхан, 8D02306 «Шетел филологиясы (батыс тілдері)» мамандығының 1 курс докторанты, Әл-Фараби атындағы ҚазҰУ